Degemer mat !

Deuet mat oc’h war lec’hienn
Brezhoneg e Bro Rouzig.

Bro Rouzig ?

Obererezhioù

Darempred

Emezelañ

Skoazellañ

Bloavezh mat d’an holl a souetan,

Yec’hed ha plijadurioù,

Avañtur vat d’ar re yaouank,

Ha d’ar re gozh, bloavezh diboan !

Emvod-meur
Brezhoneg e Bro Rouzig

En em vodomp e Ti an Holl Pont-ar-Veuzenn (a-dreñv an ti-Post, e-kichen an ti-kêr) d’ar Sadorn 18 a viz Genver da 10e evit divizout war raktresoù hag obererezhioù ar gevredigezh evit embregvezh 2025. Na chomit ket etre daou ma fell deoc’h dont da sikour pe emezelañ !

~ Evit kregiñ 2025 e Bro Rouzig ~

[Kafe brezhoneg] – Marvailhoù, koñchennoù, kaozeadegoù ha plijadurioù a vez e-barzh program Kafe Brezhoneg bep eil Lun goude kreisteiz e mediaoueg Tylenn Gouezeg. Deuit da flapiñ gant skipailh Anna ar Gow ha Dominig Merrien, digoust eo ha digor d’an holl. Emgavioù ar miz-mañ : 6 ha 20 a viz Genver da 2e30 g.m. Displegañ a raio Dominig mont en-dro Koskoriad an Heol, a-us hor pennoù 💫🪐✨

[Lennadennoù e brezhoneg] – Lakaet e vo un nebeut livioù tro-dro deomp da vare al lennadennoù Kont Din a zeu e mediaoueg Youenn Gwernig e Kimerc’h ar miz-mañ, d’ar Merc’her 15 da 10e30. Digoust eo an abadenn ha gouestlet eo d’ar vugale betek c’hwec’h vloaz. Goude al lennadennoù e vez profet ur banne da evañ evit kenderc’hel gant ar gaoz.

[Tavarn vrezhonek] Ar miz-mañ e vimp degemeret en davarn « Le D’Elfe In Breizh » d’ar Gwener 24 a viz Genver adalek 7e noz, e bourk Dineol, evit pakañ ur banne e brezhoneg. Yec’hed mat !

Petra eo « Brezhoneg e Bro Rouzig » ?

Savet e oa bet ar gevredigezh Brezhoneg e Bro Rouzig e 2023 evit talvoudekaat, difenn hag ober gant ar brezhoneg e degouezhioù liesseurt. Gwir eo ne gaver Emglev Bro na Ti ar Vro ebet war an tiriad-mañ. Kinnig obererezhioù a bep seurt ha strollañ an intruduoù brezhonek a zo anezho e Bro Rouzig eo ar pal eta.