Degemer mat !

Deuet mat oc’h war lec’hienn
Brezhoneg e Bro Rouzig.

~ E miz Here e Bro Rouzig ~

[Tavarn vrezhonek] – Evit digeriñ vakañsoù an Hollsent evit ar re chañsusañ e roomp emgav deoc’h e Landevenneg d’ar Gwener 18 a viz Here adalek 7eur noz. Degemeret e vimp er MerMade !

[Lennadennoù e brezhoneg] – D’ar Merc’her 9 ha d’ar Merc’her 23 a viz Here e mediaouegoù ar vro evit abadennoù « Kont Din » : abadennoù lenn e brezhoneg evit ar vugale betek 6 vloaz ambrouget. E mediaoueg Kimerc’h d’an 9 ha hini Pleiben d’an 23, da 10e30. Digoust eo ha digor eo d’an holl liveoù-yezh. Ur banne a vez profet goude al lennadennoù evit kenderc’hel gant ar gaoz. Deuit niverus !

[Kafe brezhoneg] – Adkavit skipailh mediaoueg TYLENN Gouezeg en-dro d’ar stal « Kafe Brezhoneg », d’al Lun 14 a viz Here adalek 2e30. Lusket gant Anna ar Gow ha Dominique Merrien. Digoust eo ha digor d’an holl.

[Koan Vras Brasparzh] Aozañ a ra ar gevredigezh « Kan ar Bobl Menez Are » hec’h abardaevezh vloaziek evit kanañ e brezhoneg a-raok en em gavout e kenstrivadeg Kan ar Bobl. D’ar Sadorn 19 a viz Here da ziv eur goude-merenn, deuit da vale en ur ganañ o loc’hañ eus sal ar gouelioù. Evit koan, mirit ho tamm kig-ha-farz eus ar re lipousañ (15 dre zen) o pellgomz d’ar : 06 70 38 30 46 pe 06 27 80 04 76. Ken e voc’h gwelet ha klevet !

Petra eo « Brezhoneg e Bro Rouzig » ?

Savet e oa bet ar gevredigezh Brezhoneg e Bro Rouzig e 2023 evit talvoudekaat, difenn hag ober gant ar brezhoneg e degouezhioù liesseurt. Gwir eo ne gaver Emglev Bro na Ti ar Vro ebet war an tiriad-mañ. Kinnig obererezhioù a bep seurt ha strollañ an intruduoù brezhonek a zo anezho e Bro Rouzig eo ar pal eta.