Deuet mat oc’h war lec’hienn
Brezhoneg e Bro Rouzig.
~ NEVEZ ! – Kentelioù noz adalek miz Gwengolo 2025 ~
~ NOUVEAU ! – Cours du soir de breton à partir de septembre 2025 ~
C’hoant ho peus da zeskiñ brezhoneg pe da vont war-raok gant ar yezh ? Anavezout a rit tud hag a fellfe dezho bezañ gouest da vrezhonegiñ ?
A-gevret gant Mervent e kinnigo Brezhoneg e Bro Rouzig daou live kentelioù brezhoneg adalek miz Gwengolo 2025, d’al Lun noz e Ti an Holl Kimerch.
30 abadenn 90 munutenn en un endro plijus aeliet war-zu ar brezhoneg komzet dreist-holl.
Priz : 240 € + 10 € evit emezelañ e Brezhoneg e Bro Rouzig.
Titouroù : deuit e darempred ganeomp d’an niverenn 06 34 58 17 57.
Gallout a rit lakaat hoc’h anv diouzhtu dre ar furmskrid HelloAsso amañ dindan. Gallout a rit paeañ gant arc’hant laosk pe dre chekenn ivez.
Envie d’apprendre le breton ou de perfectionner vos connaissances ? Vous connaissez des personnes qui souhaiteraient apprendre la langue bretonne ?
En partenariat Mervent, Brezhoneg e Bro Rouzig propose deux niveaux de cours de breton à partir de septembre 2025, tous les lundis soirs à la Maison pour tous de Quimerc’h.
30 séances de 90 minutes axées sur l’expression orale.
Tarif : 240 € + 10 € d’adhésion à l’association.
Infos : contactez-nous au 06 34 58 17 57.
Inscriptions en ligne dès maintenant via le formulaire HelloAsso ci-dessous. Il est également possible de régler en espèce ou par chèque.
~ E-pad an hañv e Bro Rouzig ~
[Stajoù hañv] – Adkavit stajoù KEAV ha hini ar Falz e miz Gouere hag Eost evit mont war-raok gant ar brezhoneg !
[KEAV] – Heuliañ kentelioù diouzh ho live, peotramant obererezhioù a bep seurt e brezhoneg, ober anaoudegezh gant tud ha komz brezhoneg a-hed ar sizhun, sed amañ palioù staj-hañv Kamp Etrekeltiek Ar Vrezhonegerien.
E lise ar Stêr Aon e Kastellin en em gav ouzhpenn evit ur c’hant bennak a dud hag a vugale bep bloaz evit bevañ e brezhoneg penn-da-benn.
Muioc’h a ditouroù : keav@keav.bzh, war lec’hienn KEAV hag o fajenn Facebook.
[ar Falz] – Staj-hañv ar Falz a vo aozet d’e dro e Ti Menez Are e Brasparzh eus ar 17 d’an 22 a viz Eost. Mont war-raok a reer gant ar brezhoneg dre an deskiñ, kanañ c’hoari hag ober a-bep seurt traoù. 5 kentel live ha 6 atalier a vo gellet ober : Kultur pop ; C’hoari ha dudi ; Distagañ ar brezhoneg pemdez ; Fardañ boutonoù mod Chelgenn ; Kan liesmouezh ha Skrivañ. Muioc’h a ditouroù amañ.
[Kont Din] – Prantadoù lenn e brezhoneg evit ar vugale dindan 6 vloaz ambrouget gant o zud an hini eo “Kont Din”. Gwezh ziwezhañ ar c’houlzad e vo e Pleiben, d’ar Merc’her 9 a viz Gouere e-kichen poull-kannañ Kerwern da 10e30 ! Digoust ha digor d’an holl. Banne profet er fin gant ar vediaoueg.
[Run ar Puñs] – Bec’h d’an abadenn viziek e Run ar Puñs e Kastellin evit en em gavout ha kaozeal e brezhoneg en davarn evel bep eil Yaou ar miz adalek 6e30. Digor eo d’an holl.
Diwallit : ne vo ket digor an davarn e miz Eost, setu ec’h adkrogo an traoù e miz Gwengolo !
[C’hoariva brezhonek] – Bec’h d’ar c’hoariva brezhonek e Bro Gastellin !
Kinnig a raio ar strollad c’hoariva La P’tite Semelle e bezh-c’hoari mergodennoù “An ti kamm”, gant perzh La Obra, evit ar vugale adalek 5 bloaz.
E bourk Dineol, 6 straed ar Chap, d’ar Yaou 10 da 5e30 ha da 7e30 (40 mun).
9€ dre zen ; 8€ dre strolladoù 5 den ; digoust dindan 3 bloaz.
Muioc’h a ditouroù :
https://www.compagnielaptitesemelle.com/an-ti-kam
06 41 09 41 16
C’hoariva teiryezhek : brezhoneg, yezh ar sinoù ha galleg
“Hentoù Gwenn – Nos voies lactées” Gant Teatr Piba
“Hentoù gwenn ? Un istor hag a lako ac’hanoc’h da veajiñ en amzer hag en egor. Ur grouadenn deiryezhek war hentoù al laezh.”
Ti-feurm Pennoc’h, Pont-Koblant (Pleiben)
Gwener 11/07, da 8e30 noz
Digor d’an holl, digoust
Da geñver “Les Estivales 2025” e Pleiben
Ha d’ar Meurzh 15 a viz Gouere da 8e30 noz e kinnigo Strollad ar Vro Bagan e bezh-c’hoari “Mont a raio kuit” e Kastellin, da geñver staj KEAV.
« N’eo ket mui ar bugel mousc’hourzhus hag a oa gwechal. Na pegen eurus e oamp, ur bloaz’zo traken. Nag a joa e-touez hor familh. Ne gomprennan ket ar pezh zo c’hoarvezhet. Perak eo treñket an traoù evel-se … »
Aozadur : KEAV ; Strollad ar Vro Bagan. Muioc’h a ditouroù : https://arvrobagan.bzh/…/mont-a-raio-kuit-un-jour…/…
E sal gouelioù Kastellin D’ar Meurzh 15 a viz Gouere da 8e30
Bilhederezh war al lec’h : 13€ / 11€
[Tañva d’ar brezhoneg] – Buhezet e vo tri frantad tañva d’ar brezhoneg e domani Menez Meur e Hañveg gant Brezhoneg e Bro Rouzig e-pad an hañv. Deuit da dañva ha da gaout amzer blijus ganeomp : lennadennoù, c’hoarioù, flapiñ, deskiñ gerioù… en un aergelc’h natur ha distanus !
- d’ar Sadorn 12 a viz Gouere
- d’ar Sadorn 16 a viz Eost
- d’ar Sadorn 23 a viz Eost
Monedusted an domani : titouroù amañ.
[Skignadenn film] – Er sal vras Arvest e Pleiben e vo skignet teulfilm Bleuenn ar Borgn “A vouezh uhel” d’ar Yaou 31 a viz Gouere da 6e30, diwar-benn ar c’homedian ha soner Quentin Morvan hag ar mod ma ra gant ar brezhoneg en e vuhez. Film e brezhoneg, istitlet e galleg. War al lec’h e vo ar sevenerez ha profet e vo ur banne a vignoniezh e fin ar skignadenn. Aozet da geñver “Les Estivales 2025” e Pleiben.
Petra eo “Brezhoneg e Bro Rouzig” ?
Savet e oa bet ar gevredigezh Brezhoneg e Bro Rouzig e 2023 evit talvoudekaat, difenn hag ober gant ar brezhoneg e degouezhioù liesseurt. Gwir eo ne gaver Emglev Bro na Ti ar Vro ebet war an tiriad-mañ. Kinnig obererezhioù a bep seurt ha strollañ an intruduoù brezhonek a zo anezho e Bro Rouzig eo ar pal eta.
Eus petra zo kaoz pa vez meneget Bro ar Rouziked ?
E pelec’h emañ ? Petra eo hec’h istor ?
Petra vez kinniget gant Brezhoneg e Bro Rouzig ?
Un nebeut skeudennoù evit gouzout hiroc’h !
Ur gevredigezh oc’h ? Mennozhioù, goulennoù zo ganeoc’h ? Ur gerig demat ?
Dre amañ, m’ho ped !
Deuit ganeomp war hentoù ar brezhoneg e Bro Rouzig
Seul vuioc’h, seul welloc’h !
Evit ma kendalc’ho Brezhoneg e Bro Rouzig da gas abadennoù liesseurt e brezhoneg…
Skoazellit ac’hanomp