Degemer mat !

Deuet mat oc’h war lec’hienn
Brezhoneg e Bro Rouzig.

Bro Rouzig ?

Obererezhioù

Darempred

Emezelañ

Skoazellañ

~ E miz Meurzh e Bro Rouzig ~

Bevet ar brezhoneg e Bro Rouzig
e-pad Mizvezh ar Brezhoneg !

[Kafe brezhoneg] – An emgavioù daouviziek a zalc’h da vont e mediaoueg Tylenn Gouezeg, evel bep eil Lun da 2e30. Pep hini a c’hall dont gant ur soñj, ul lennadenn bennak, ha flapet e vet ha lennet e vez asambles evit mont war-raok ha deskiñ traoù dre ar blijadur. Ar pezhig-c’hoari « War eun dachenn fobal » gant P.-J. Heliaz a vo selaouet d’al Lun 3/03. Un emgav all a vo d’al Lun 17/03. Atav digoust ha digor d’an holl. Buhezet gant Anna ar Gow ha Dominig Merrien. Aozet gant Sevenadur evit an holl.

[Staj kan ba’n dañs] Bep miz e vez pleustret war tonioù hengounel gant Axel Landeau hag ar gevredigezh Kroazhent. Etre 15 ha 20 euro evit kemer perzh ha deskiñ teknikoù-kan ha pozioù brav-kaer. Lakait hoc’h anv dre >> amañ <<
Emgav kentañ : d’ar Sadorn 8 a viz Meurzh adalek 4e30 eur gm, e sal gouelioù Sant-Riwal.

Axel Landeau / Bernard Cambray

[Beilhadeg] Dont a ra en-dro beilhadeg hollvrudet Sevenadur evit an Holl, d’ar Sul 9 a viz Meurzh e sal Karreg an Tan e Gouezeg adalek 3e gm. Ma’z oc’h prest da gemer perzh o kas ur ganaouenn, kontañ un istor pe ur farsadenn pe ziv, na chomit ket etre daou soñj !
Laouen bras eo Brezhoneg e Bro Rouzig da genaozañ an darvoud. Roit da c’houzout en-dro deoc’h, digoust eo ar mont e-barzh !

[Lennadennoù e brezhoneg] – « Kont Din » a vo kinniget d’ar vugale betek c’hwec’h vloaz ar miz-mañ c’hoazh : emgav e mediaoueg Youenn Gwernig e Kimerc’h d’ar Merc’her 12/03 da 10e30. Dodenn ar miz-mañ : « Grit ho keusteurenn ! » Digoust, digor d’an holl ha banne profet !

[Run ar Puñs] Keloù mat a zo evit brezhonegerien-ezed trowardroioù Kastellin : roet ez eus lañs d’un abadenn gaozeal miziek e Run ar Puñs. Emgav kentañ d’ar Yaou 13 a viz Meurzh da 4e30 evit flapiñ e brezhoneg ! Digoust ha digor d’an holl.

[Tavarn vrezhonek] Tavarn vrezhonek e Sant-Riwal, an distro er bistrot ! Deuit da dremen un nozvezh plijus gant tud ar Menez. D’ar Gwener 21 a viz Meurzh, adalek 7e noz, e Herberc’h ar Menez.
Flapiñ, ober anaoudegezh, c’hoarzhin… Ha kement tra zo !

[C’hoariva] Ar blijadur o deus Kañfarted Lanleya da ginnig deoc’h pezhigoù-c’hoari farsus ha sonerezh e Bro Rouzig !
D’ar Sul 23 a viz Meurzh, da 2e30 gm, e sal F. Mitterrand Pont-ar-Veuzenn, deuit da c’hoarzhin leizh ho kenou oc’h arvestiñ o zroioù-kaer (ha kamm !) war al leurenn.
Pezhigoù-c’hoari farsus hag aes da gompren gant pouez-mouezh fraezh paotred Plouigno ! Sonerezh a vo etre ar pezhioù hag ur banne kinniget d’an dud goude an arvest. Mont e-barzh gant priz dieub !

[Prezegenn] Dont a raio Gwenole Larvol da Vro Rouzig evit kinnig danvez e studiadenn war perc’henniezh ar yezh gant ar vugale, kenetre ar skol, ar familhoù, ar gevredigezh.
Deuit niverus da sal Danielou e Rumengol eta, d’ar Yaou 27/03 adalek 7e noz. Digoust, mont e-barzh frank.
Kenaozet gant Skol Diwan ar Faou ha Brezhoneg e Bro Rouzig

Petra eo « Brezhoneg e Bro Rouzig » ?

Savet e oa bet ar gevredigezh Brezhoneg e Bro Rouzig e 2023 evit talvoudekaat, difenn hag ober gant ar brezhoneg e degouezhioù liesseurt. Gwir eo ne gaver Emglev Bro na Ti ar Vro ebet war an tiriad-mañ. Kinnig obererezhioù a bep seurt ha strollañ an intruduoù brezhonek a zo anezho e Bro Rouzig eo ar pal eta.